Read the omens. Ilang beses yan pinaulit-ulit ni Paulo Coelho. Naging malaking bahagi na rin yan ng mga paniniwala ko. Hindi ito usapin ng kung tama o mali ang pagbasa mo, dahil wala naman talagang tama at mali. Ang mas mahalaga e kung paano mo bibigyang kahulugan ang mga bagay sa paligid mo.

Kaya ngayon alam ko na. Siguro nga matagal ko rin 'tong pinag-isipan, na hindi naman talaga big deal kasi dapat naman talagang pag-isipang mabuti ang mga bagay na katulad nito. Ayoko nang mag-ilusyon dahil una: masakit sa ulo, at pangalawa: alam ko namang walang patutunguhan 'to. Tama na ang minsan.

Nakabuo na naman ako tuloy ng bagong teorya: na marami pala silang mga Prince Charming, pero ilan lang ang mga tunay na Cinderella.